Honats Craig lee scott handiaren zenbait irudi

Euskal Herriko trialeko oraina eta geroa

Bizikleta gaineko malabaristak

Ez dira zirkuan ibiltzen, ez dute pilota edo mazorik jaurtitzen kale-izkinetan, baina Alberto Gómez eta David Galán bike-trialeko txirrindulariek trebetasun ikaragarria ageri dute bizikleta gainean. Benetako malabarismoak egiten dituzte; oztopo zailenak gainditzeko gauza dira.

Alberto Gómez 27 urteko donostiarra bike-trialeko munduko espezialista onenetarikoa da (hirugarrena da munduko rankingean); berak aitortu digu erorikoak izatea oso arraroa ez bada ere, lesio larri bat izatea ez dela ohikoa. «Nik neuk behin izan dut ezbehar larri samar bat, eta ondorioz ebakuntza egin behar izan zidaten», azaldu digu.

David Galán donostiarrak, berriz, 11 urte besterik ez ditu, eta behin baino gehiagotan erori izan dela onartu digu. «Behin horma batetik salto egiten hasi nintzela, aurreko gurpila zulo batean sartu eta buruz behera erori nintzen. Eskerrak kaskoa jarrita nuen...». Albertok, albotik: «Pentsatzen dut kaskoa jarrita zenuela, derrigorrezkoa baita erabiltzea». «Lasai –erantzun dio Davidek–, bizikleta gainean jarri aurretik kaskoa jartzen dut, lehenik eta behin».

Alberto Gómezek duela hamabost urte heldu zion kirol bitxi honi. Bitxia diogu, izan ere, aulkirik gabeko bizikleta baten gainean, eta oztopoez betetako lekuetan egundoko abilezia erakusten dute-eta: harriak, hormak, haitzak... era guztietako oztopoak gainditzen dituzte; eta, hori, ahal izanez gero, oinak lurrean jarri gabe. Davidek bike-trialeko ikastaro bat egin zuen duela hiru urte, «eta hurrengo urtean errepikatu eta lehiatzen hasi nintzen. Hala sortu zitzaidan bike-trialerako zaletasuna». Kaskagorra izan beharra

Munduko txapeldun izandakoa da Alberto, eta bere iritziz, «kirol honetan aurrera egiteko kaskagorra izatea ezinbestekoa da. Aurrena espaloi bat igotzen hasten zara, gero hormatxo bat, eta azkenerako zure auzoko eskailera guztiak igotzen dituzu bizikletarekin». Davidek baietz egiten du buruarekin. «Ni, behintzat, halakoa naiz. Espaloi bat igotzea lortzen badut, gero zerbait zailagoa gainditu nahi dut, eta hori lortuta, zailagoa den beste oztopo bat... eta hala, ahalik eta zailtasun handiagoko oztopoen bila ibiltzen naiz».

Zergatik erabiltzen dituzte, baina, aulkirik gabeko bizikletak? «Traba egiten dutelako dio Albertok. Garai batean, bike-trialeko bizikletek aulkiak beheraino jaitsita izaten zituzten, baina aspaldi honetan aulkirik gabe datoz hauek». «Ez dugu aulkiaren beharrik –erantsi du Davidek. Gero eta pisu gutxiago izan bizikletak, hobe; horrela, hobeto maneiatuko dugu eta muturra altxatzeko ere zailtasun gutxiago».

Kanpotik oso kirol zaila dirudi. David Galánek, ordea, zera esan digu: «Ez dut uste zailegia denik, baina hori bai, ordu asko sartu behar dira entrenatzen». Alberto Gómezek, berriz, dio garrantzitsuena kirol hau gustatzea dela. «Hortik aurrera, hobetu ahala, jarraikortasuna izatea, eta ez etsitzea».

Nortzuk dira?
Alberto Gómez

Sorlekua: Donostia.
Adina: 27 urte.
Palmaresa: Munduko txapeldun junior mailan (1994); munduko txapeldunordea; hirutan master, nagusien mailan; Espainiako txapeldun hirutan. Aurten, hirugarren postuan dago munduko rankingean.

David Galán

Sorlekua: Donostia.
Adina: 11 urte.
Taldea: Euskal Trial Kluba.
Palmaresa: Gipuzkoa eta Euskadiko txapeldun alebin mailan (2003); hirugarren Euskadiko Txapelketan (2004); eta aurten, «Gipuzkoako eta Euskadiko Txapelketak irabazi nahi ditut. Espainiakoan lehen hiruen artean sailkatuko nahiko nuke, halaber».
Ikastetxea: Loiolako San Inazio ikastetxea

Munduko trial txapelketa

RAGA JAPONIAKO BIGARREN EGUNEAN GARAILE ATERA ZEN BOU-REN AURRETIK (ekainak 3)

Adam Raga (Gas Gas) Japoniako bigarren jardunaldian garaile atera zen Toni Bou-ren garaipen boladarekin amaituz. Hala ere, bigarren postuan amaitu zuen Bou-k lider jarraitzen du sailkapen nagusian 14 puntuko abantailarekin. Fujinami hirugarren izan zen etxean.

BOUK JAPONIAKO LEHEN JARDUNALDIA IRABAZIZ GARAITEZIN JARRAITZEN DU (ekainak 2)

Toni Bou-k (Montesa-HCR) lider jarraitzen du Japoniako Sari Nagusiko lehen jardunaldian irabazi ondoren. Mundu Txapelketako bosgarren proba da hau eta bosgarren garaipena berarentzat. Teknika asko eskatzen zuten zonetan, espainiarrak penalizazio puntu bakarra gehitu zuen lehen bueltan. Bigarren Raga izan zen berriz ere eta hirugarren Fujinami japoniarra.

TONI BOUK FRANTZIAN BESTE ERAKUSTALDI BAT EMAN ZUEN TITULURA BIDEA LABURTUZ (maiatzak 27)

Toni Bouk ez dauka deskantsurik. Pilotu espainiarrak Senez-en (Frantzia) jokaturiko Trialeko Mundu Txapelketako hirugarren proba ere irabazi zuen. Bigarren postua gaur egungo txapeldunarentzat izan zen, Adam Raga-rentzat, eta hirugarren lekua Dougie Lampkin-ek bete zuen.

BOU BIGARREN EGUNEAN ERE GARAILE (maiatzak 23)
Toni Bou (montesa) espainiarrak Guatemalako Trial Sari Nagusiko bigarren jardunaldia irabazi zuen La Antiguan, mundialeko hirugarren proba da hau. Bigarren postuan beste espainiar bat, Adam Raga, eta hirugarren Fujinami japoniarra. Txapelketako hurrengo lehia Frantziako Sari Nagusia izango da, maiatzaren 27an Senez-en.

BOUK BERE MOMENTU ONAREKIN JARRAITZEN DU GUATEMALAKO LEHEN JARDUNALDIAN IRABAZIZ (maiatzak 22)

2007. urtea Toni Bourena da. Espainiar pilotuak Guatemalako Trial Sari Nagusiko lehen jardunaldia irabazi zuen (Mundialeko bigarrena) eta bere abantaila zabaltzen du klasifikazioaren lehen postuan. Montesakoak, munduko “indoor” txapeldun, proba 21 penalizazio punturekin amaitu zuen, bigaren Fujinami japoniarra izan zen 21 punturekin eta hirugarren Raga espainiarra 34 punturekin.

Hemen dituzue Guatemalako Sari Nagusiko zenbait irudi

Gaby Mathieu

Bitxikeria gisa, hemen triala gurpil bakarreko bizikleta gainean egiten duen frikia.

Benito Ros, Bike Trialeko txapelduna

1981eko maiatzaren 2an jaio zen Benito Ros, Lizarran. Gaur egun, munduko hoberenetarikoa da, lorturiko garaipen ugariei esker. berak dioenez, instintuz hasi zen trialaren mundu horretan sartzen. Txikitan bizikleta asko zituen, eta hormetatik salto egitea bururatzen zitzaion, besterik gabe. Noski, bizikleta guztiak apurtzen zituen horrela, harik eta aitak triala egiteko bizikleta berezi bat erosi zion arte. Horrela, bere gisa salto eta akrobaziak egiten jarraitu zuen. Bi urte beranduago Iker Lezeta ezagutu zuen kasualitatez eta honek sartu zuen txapelketen munduan.



Horrela, 13 urte dira jadanik bizikleta gainean dabilela eta 10 urte daramatza txapelketetan. Kirolariak garaipen ugari lortu ditu urte hauetan, batzuk aipatzearren 2003koak, bere aburuz kirol munduan izan duen urterik hoberenekoak. Bike trialean Espainiako natural txapelketan garile, Espainiako Indoor txapelketa garaile, Munduko txapeldun, zeharkako saltoan errekor berria (1,31m.), eta errekor pertsonala aurrerakako igoeran ((1,90m.). Trial bizikletan antzera ibili da, Espainiako natural eta indoor txapelketak eta mundu txapelketa irabazi baititu baita. Hemen ere, erreko berria egin du zeharkako saltoan (1,36m.).



Maila horretan mantentzeko ordu asko egin behar dira entrenatzen, Benito astean 4-5 egunez joaten da gimnasiora. Bizikleta gainean aldiz, astean zehar 2-3 aldiz ibiltzen da. Larunbata jai hartzen du eta igandean entrenamendu gogorra izaten du berriz ere, bere trialeko lagunekin gehienetan. Bestalde bere burua zaindu behar duela aitortzen du txapeldunak.

Horrela bada, nafarrak garaipenak lortzen jarrai dezala espero dugu trial zaleok.

Basati 4x4

Etxarri-Aranatzen sorturiko "Basati 4x4" elkarteari esker, Euskal Herriko txoko desberdinetan gero eta ikuslego eta afizio gehiago du autoen trialak. izan ere, elkarte honek berak erakustaldiak eskaintzen ditu, horretarako eurekin kontaktuan jartzea aski delarik. Gero eta eskaera gehiago omen dituzte basatikoek, eskaini dituzten erakustaldiak arrakastatsuak izan direla eta.

Elkarte hau 2000. urtean sortu zen, aurretik bakoitza bere gisara ibiltzen zelarik 4x4ean. 2002. urtean legalizatu zen, subentzioak, seguruak... lortzeko asmoz. 2003. urtean, Nafarroako 4x4eko elkarte hoberenaren saria irabazi zuen.

Bestalde, elkarte hinek kontzentrazio eta erakustaldiak eskaintzeaz gain, trabesiak ere antolatzen ditu noizean behin. Horrela, 2004. urtean maroko aldera joan ziren, Saharako basamortu ospetsuari aurre egiteko.

Neska bat trial egiten ikustea ez da ohikoa. Nola bururatu zitzaizun honetan hastea?

Txikitatik nire aita trial egiten ikusi izan dut eta errepidean ibiltzeko motorra ere bazuenez, bederatzi urterekin aitari trialeko motor bat erosteko eskatu nion.

Neska gehiagorik ba al da Euskal Herrian trialean egiten duenik?

Hiru bat ezagutzen ditut. Balmasedako bat, Astigarragako beste bat eta ni neu; hirurak adin bertsukoak gara, gainera.

Lehia handia al duzue zuen artean?

Balmasedakoa ni baino urtebete gazteagoa da, eta horregatik, beste maila batean aritzen da. Idoia Pey Astigarrago neska eta biok, berriz, maila berean gaude, eta lehiaketan elkarri zirikatzen diogu. Adiskideak gara, baina lehiaketan bakoitzak bereari begiratzen dio.

Mutilekin batera aritzen al zarete neskak?

Bai, bi besterik ez gaudenez, mutilekin batera aritu behar dugu derrigorrez.

Eta zuen eta mutilen artean alde handiak al daude?

Ez. Euskal Herrian gure adineko pare bat mutil dabiltza gure maila bertsua dutenak. Gehienetan, ordea, guk, neskook, irabazten dugu. Errioxan hamaika bat mutil daude, eta guk garaitu egiten ditugu askotan; ez dakizu orduan nola haserretzen diren gurekin. Aitak, sutan, zera esaten die orduan: «Nola da posible neska batek irabaztea? ».

Nolako zirkuitutan aritzen zara?

Triala bi eratara egin daiteke: indoor motakoa, pabiloi baten barnean, ala mendian. Ni mendian lehiatzen naiz, han prestatzen den zirkuitu batean. Mailaren arabera, ibilbide zailagotik edo errazagotik joan zaitezke, eta lurrean oina zenbat aldiz jartzen duzunaren arabera, puntuazio altuagoa edo baxuagoa emango dizute.

Zer da motorreko modalitate honetan garrantzitsuena?

Teknika eta orekaz gain, garrantzitsuena zera da, norberak bere burua konbenzitzea aurrean duen oztopoa gainditzeko gai dela.

Beldurrik sentitu al duzu inoiz motor gainean?

Bai. Koska eta malda handi bat jaitsi behar duzunean, orduan barruko guztia mugitzen zaizu, baina triala horixe da, beldurra izan eta beldurra gainditzea.

Motorra zaintzeak diru eta denbora asko kentzen al du?

Lehenengo motorra 9 urterekin erosi nuen, eta 50 cc-etako zilindradakoa zen. Handik bi urtera txikia geratu zitzaidan, eta orain bigarren motorrarekin dihardut, 125 cc-etako beste batekin. Motorra txikia geratzen zaizunean, hau da, zuk egin nahi dituzun ariketak egiteko gai ez denean, aldatu egin behar da.

Jendea harritu egiten al da zu bezalako neska gazte bat trial egiten ikustean?

Denetarik dago, baina normalean helduek ikusten dutenean zer nolako maila dudan errespetu osoz tratatzen naute. Errioxan, berriz, adarra asko jotzen didate.

«Sarri askotan garaitu ditut mutilak trialeko lasterketetan»


Nor da?
Adina : 13 urte.
Sorlekua : Andoain.
Ikasketak : DBH 3ko ikasketak egiten ari da Andoaingo Aita Larramedi Ikastolan.
Palmaresa : Euskadiko txapeldun izan da hirutan, bi bider jubeniletan eta beste behin kadetetan. Inguruko mendietan entrenatzen du, baina Soria eta Errioxa aldera ere joaten da.

Trial

Bizikleta eta motor gaineko trial irudi, komentario, bideo eta gainerakoak hemen ikusgai.